Валтери Ботас потенцираше дека не знае како да го објасни дефицитот во однос на својот колега во последниот квалификациски сегмент за Француското Гранд При.
Финецот во К1 и во К2 беше најбрз и се чинеше дека е на добар пат да дојде до првата пол позиција од Шпанија. Но, во последниот дел, Хамилтон имаше подобар прв обид, а во второто дополнително го подобри своето време откако финецот не успеа да извози побрза обиколка на Пол Рикар.
мислам дека болидот добро се однесуваше. целиот викенд се чувствував добро и задоволно, но јасно беше дека ќе биде блиску на квалификациите како што беше цел викенд. мислам дека на крајот луис успеа да комплетира подобри и почисти кругови и со тоа да си ја заслужи пол позицијата.
мислам дека мојот прв к3 круг беше добар, но насоката на ветерот се менуваше низ квалификациите. во 8от и 9от свиок се мачев цел викенд на исто место, најдов некои добри линии за менување, но кога насоката на ветерот се промени не можев да ги користам. детали одлучуваа и поради тоа разликите не се големи.
во втората серија по малку немав среќа затоа што немав болиди пред мене кои би ме повлекле и губев брзина на правците. морав да надоместувам на кривините, но и претераното форсирање ме направи да губам време.
не сум задоволен затоа што се надевав на пол позиција, но и второ место е добро затоа што има долг правец во пресрет на првата кривина – смета ботас.
Финецот во пресрет на трката има дефицит од 29 поени во однос на својот колега, актуелен шампион.