Даниил Квјат смета дека претстојната трка во Канада ќе биде одличен тест за нивото на напредок кој Хонда го има со својот мотор оваа тркачка сезона.
Јапонците сезонава стигнаа и до подиум, прв по нивното враќање во Формула 1, но сеуште не знаат точно какви се нивните перформанси во однос на водечките. Русинот е охрабрен од перформансите и смета дека долгите правци на патеката Жил Вилнев може да донесат важни одговори за напредокот и придобивките кои ги има јапонскиот производител.
мојата сезона за сега е добро и се надевам дека ќе продолжам во ист стил. патеката е посебна и ќе биде супер тест за моторот во однос на тоа колку можеме да бидеме брзи на правците и поради тоа сме нетрпеливи за трката – објасни квјат.
По првите 6 трки Дани има освоено 9 поени, исто како и во 2016 и 2017 година заедно.