Возачот на Хаас, Кевин Магнусен, изјави дека сака повеќе улични трки во календарот, наместо наменски градени тркачки патеки.
Уличните трки не се многу популарни во Формула 1 затоа што често знаат да бидат здодевни без претекнувања поради специфичноста на локациите. Но, данецот е еден од малкумина возачи кои сакаат повеќе да се трка во град затоа што смета дека таквиот предизвик е поголем.
лично сакам улични патеки. би сакал повеќе такви во календарот затоа што сметам дека е повозбудливо и попредизвикувачки затоа што има помала можност за грешка. општо гледано уличните патеки не дозволуваат грешки – смета магнусен.
Зборувајќи за следната трка во календарот, Сингапурското Гранд При, тој додаде:
тоа е навистина физички тешка трка од неколку причини. Прво, многу е ропло, второ не се одмарате во ниту еден круг туку константно работите со воланот, нема ниту еден правец каде може да се опуштите. трето затоа што просечната брзина по круг е многу ниска, трката трае околу два часа и бара многу физичка издржливост од возачот. но, јас нормално се подготвувам за тој настан.
исто така исцрпува и ментално, треба целосен фокус на сите во тимот, можеби и поголем од вообичаено затоа што константно сте во некоја кривина. физичката и ментална страна одат заедно.