Хелмут Марко, Советникот на Ред Бул, смета дека Мерцедес го поправиле проблемот со ладењето кој им помогна на Ред Бул да победат во Австрија.
Мерцедес победи на првите осум трки, а нивната серија беше прекината на домашната трка на Ред Бул Ринг во Австрија каде победи Макс Верстапен со фантастичен втор дел од настанот.
Високите температури беа предизвикувачки за нас и моравме да внимаваме – изјави Тото Волф по трката.
Веднаш по трката во Австрија од Мерцедес објавија дека имаат проблем и мора да го средат ладењето. Валтери Ботас изјави дека треба понапорно да се работи на тоа.
Среќен сум што на топла трка ќе имаме решен проблем со ладењето – вели ботас во пресрет на настанот на хокенхајм.
Марко слушнал дека Мерцедес носат нова шасија за Хокенхајм откако таа успешно го поминала краш тестот.
Слушнав дека Мерцедес носат нова шасија и ладење. Тие страдаат само на топлина и се надевам дека тоа ќе биде случај и во Хокенхајм – посакува марко.