Организаторите на Мексиканското Гранд При го прифатија извинувањето од францускиот весник, Ауто Хебдо, по загрижувачките коментари околу трката.
Ауто Хебдо истакна дека Ана Габриела Гуевара, која е на чело на Националната Комисија за Физичка Култура и Спорт во Мексико, имала негативни коментари околу враќањето на Мексиканското Гранд При на календарот.
Трката се врати во 2015 година, за прв пат по пауза од 20 години, а Гуевара наводно истакнала дека тоа се случило само поради корупција. Но таа во изјава која е објавена од организаторите негира дека имала интервју со Ауто Хебдо и дека имала негативни коментари.
Не знам кој го напишал тоа и кој го објавил. Јас немам дадено таква изјава. Никогаш не би била против настан кој е толку позитивен за нашата земја.
Организаторите побараа објаснување и откако го добија, објавија уште една изјава во која го прифаќаат извинувањето и појаснија дека нивната цел е да се согласат на нов договор за трката кој моментално има уште една година од моменталниот договор.
Формула 1 Големата Награда на Мексико и ОМДАИ ФИА Мексико ја прифаќаат изјавата од Ауто Хебдо и нивното извинување.
Многу сме горди со тоа што го постигнавме од враќањето на трката на календарот во 2015 година. Нашиот договор истекува во 2019 година и одвај чекаме да ги започнеме преговорите за обнова на истиот со сите вклучени страни.
Нашиот настан функционира на основа на стриктни правила и целосна транспарентност. Ќе продолжиме така и ќе се осигураме дека тоа ќе биде промоција за нашата земја на позитивен начин.