Пред неговиот рекорден старт на 321то Гранд При во Австрија годинава, Кими Раиконен вели дека нема никаков интерес кон бројките, туку едноставно ужива во тркањето.
Финецот дебитираше во Формула 1 во 2001 година со Заубер, помина една година со екипата, а потоа премина во Мекларен и потоа во Ферари. По пауза од 2 години во која се тркаше во рели автомобили, тој се врати во Формула 1 во 2002 година со Лотус, а потоа повторно премина во Маранело.
Сепак, кога Ферари објавија минатата година дека нема да го обноват неговиот договор и потпишаа со Шарл Леклер како негова замена, прашање беше дали тоа е крајот на Раиконен во Формула 1.
Не беше. Тој потпиша со Алфа Ромео, поранешен Заубер. Со тоа Раиконен е на пат да стане најискусен Формула 1 возач кога ќе го сруши рекордот на Баричело на годинешното Австриско Гранд При. Но за него, тоа не значи ништо.
Никогаш не сум бркал бројки. На крајот, тоа е само бројка. Дури и да е 20 илјади, не прави никаква разлика. Ако ништо друго, не гледам колку трки сум возел.
Го правам ова бидејќи сакам тоа да го правам и кога нема да сакам, ќе престанам. Немам никаков интерес кон бројките.
Ако е 10 повеќе или помалку од некој друг, тоа нема да диктира што ќе правам јас. Кога чувството ќе се промени, ќе правам нешто друго и така ќе функционира понатаму.