Нико Хулкенберг вели дека екипата на Рено се соочува со поголем предизвик годинава поради напредокот од нивните ривали во однос на нивниот забавен развој.
Рено се одвоија од средината во 2018 година, а на крајот се оддалечија и од најблискиот конкурент Хаас и ја освоија четвртата позиција во пласманот.
Екипата ги појасни своите амбиции да бидат поблиску до водечката тројка во 2019 година, но наместо тоа тие се престигнати од Мекларен и Торо Росо. Моментално се на шесто место во пласманот, со помалку од половина поени во споредна со истиот период пред 12 месеци.
Дефинитивно е тешко, ова е голем предизвик, од повеќе причини.
Стартот на сезоната беше повеќе околу издржливоста, а потоа имаше фаза во која јас и Даниел направивме грешки, што не чинеа многу поени за нас и за тимот.
Средината е толку тесна сега, изедначени сме, Алфа Ромео, Торо Росо, Мекларен, сите сме заедно. На некој начин, бидејќи не напредувавме доволно, ние не сме таму каде што посакуваме во однос на темпо и на брзина. Поради тоа сме во оваа тешка позиција.