Италијанецот Антонио Џовинаци едвај чека на првото возење на патеката Жил Вилнев викендов за Големата Награда на Канада.
Ова ќе биде прво патување во Монтреал за возачот на Алфа Ромео и тој едвај чека да влезе во болидот и да излезе на патеката.
Едвај чекам да се тркам во Монтреал за прв пат во мојата кариера.
Имав два викенда во кои одморив, ги посетив трките Giro d’Italia и МотоГП трката во Муџело, а сега сум подготвен да се вратам во болидот.
Патеката во Канада понудила многу интересни трки во минатото и тоа е место со добри можности за претекнување, така што одвај чекам на забавата во Недела. Се надевам дека ќе стигнеме до резултатот кој го заслужуваме.